१३।०४।२०२३
सत्र २१८वे:
पुस्तक : कर्मचारी
लेखक : व.पु. काळे
सादरकर्ते : जयंत करकरे
वपु ही दोन अक्षरं उच्चारता क्षणी पार्टनर, प्लेजर बॉक्स, आपण सारे अर्जुन, कर्मचारी, तप्तपदी, वपूर्वाई, वपुर्झा अशा अनुभवसंपन्न आणि दर्जेदार लेखनाची मालिका कुठल्याही दर्दी वाचकाच्या डोळ्यांसमोरून तरळून जाते. जुन्याजाणत्यांना वपु परिचित असतात ते कथाकथनामुळे तर नवीन पिढीला त्यांची ओळख झालेली असते ती दैनंदिन व्हॉट्सअप फॉरवर्ड्समुळे. वपुंच्या कथा या प्रामुख्याने मध्यमवर्गीय जीवनाची सुखदुःखं केंद्रस्थानी ठेवून लिहिलेल्या असतात. अशाच मध्यमवर्गीय, नोकरदार माणसांच्या दर्जेदार कथांचा संग्रह म्हणजे *'कर्मचारी'* . आणि पुस्तक परिचय करून देणार आहेत ते दर्दी वाचक म्हणून प्रसिद्ध असलेले श्री जयंत करकरे. व्यवसायाने सीए असलेल्या जयंत करकरे हे चतुरस्र वाचक म्हणून आपल्याला परिचित आहेतच. श्री करकरे यांनी यापूर्वीही शब्दांगण मध्ये सत्र घेतलं आहे.
कर्मचारी मधल्या अनेक कथांना खास वपुंचा परिसस्पर्श तर आहेच पण शेवटी वपुंच्या खास शैलीत बसणारा धक्काही आहे. या आगळ्यावेगळ्या पर्वणीचा लाभ घेण्यासाठी शब्दांगणच्या सत्रासाठी सर्वांना खास आमंत्रण. वपुप्रेमींना आमंत्रण द्यायची गरजच नाही. कारण 'कर्मचारी' म्हंटल्यावर सच्चे वपुप्रेमी जातीने हजर राहणार यात शंकाच नाही. सर्वांनी नक्की ऐका !
हे सत्र ऐकण्यासाठी खालील दुव्यावर टिचकी मारा !
No comments:
Post a Comment